10 SEO Optimization Tips in Hindi to Increase Blog Traffic

Increase Blog Traffic 10 SEO Optimization Tips

Kya aapne hal hi me apna blog shuru kiya hai aur aap apne blog par organic traffic lana chahte hai? to aap bilkul sahi jagah padhare hai.

Ham chahe kitna bhi acha content kyun na likhen, lekin agar koi padhne wala hi na ho to kya faida. Mana ki naye blog par traffic aate aate samay lagta hai, par ham sirf samay par nahi chhod sakte.

Jaha baat aati hai organic traffic ki, To jahir hai ek hi cheej samne aati hai aur wo hai Search Engine Optimization. Ji han aapko SEO ke jariye apne blog par traffic increase karna hoga. Aur ab aap ye soch rahe honge ki yahi sab batane ke liye post banaya hai kya? To mera jawab hai han.

Yaha par me aapko SEO se judi 10 Tips share karunga, Jinse aap apne naye blog par aasani se traffic la paoge.

10 SEO Optimization Tips in Hindi to Increase Blog Traffic

Aur me janta hu in tips ke jariye aapke blog ka SEO aur pageviews jarur increase hoga…

1. SEO Ka Importance Samajhiye

seo importance okay blogging 10 SEO Optimization tips in hindi increase blog traffic

Sabse pehle aapko Search Engine Optimization ko samajhna hoga, Ki kitna jaruri hota hai aapke blog ke liye.

Ye jaruri hai kyon ki logon ko jo content chahiye hota hai use google pe search karte hai. Aur aap chahte hai ki log aapke content tak pahuche, To aapko SEO karna padega.

Agar aapko google pe SEO thik karna hai to aapko sochna padega ki log kya search karte hai, Aur kya nahi. Post likhne se pehle dekhna hoga ki jo aap likh rahe ho use log search bhi kar rahe hai yan nahi. Agar log nahi search kar rahe to aapki post google pe dekhne se rahi.

Ek baat note karle ki google page ko rank karne ke liye kai sare algorithm use karta hai, Aur woh kafi had tak alag alag hote hai. Fir chahe wo on page SEO(Aap jo words use karte hai post me) se jude ho yan off page SEO(Outside of post like backlinking) se.

Ek baar aap SEO ka Importance Samajh lete hai, to aap aage badhne ke liye taiyar hai.

2. Set up Google Analytics and Search Console

Set up Google Analytics okay blogging 10 SEO Optimization tips in hindi increase blog traffic

Ab jab aapko pata chal gaya hai ki SEO kitna mahatvapurn hai, Ab baat aati hai set up karne ki.

To sabse pehle bina keyword research aur backlink ke chakkar me pade, Aapko apne blog ko google ke havale karna hoga. “Kabhi Kabhi Lagta hai Google hich Bhagwan hai”.

Google ke sath connect karne ke liye aapko apne blog ko Google Analytics aur Google Webmaster Tools (Search Console) se jodna hoga.

Itna hi nahi aapko link karna hoga Google Analytics account ko Search Console se, Yaha se apko keyword se related jankari milegi. Aur regularly inpe apni girlfriend ki tarah nazar jamaye rakhe.

3. SEO Plugin Install Kare

Set up Google Analytics okay blogging 10 SEO Optimization tips in hindi increase blog traffic

Uske bad aapko install karna SEO plugin jinka naam hai Yoast, Ye ek free plugin hai WordPress ke liye. Aur ye kafi common and highly recommended plugin hai.

Yoast aapko madad karega har ek page par SEO optimize karne me. Iske alava ye on-page analysis, XML Sitemaps aur kafi ache feature provide karta hai.

Connect Search Console to WordPress OkayBlogging

Aap Yoast ke dwara Search Console account ko WordPress se connect kar sakte ho. Uske liye aapko apne wordpress ke panel se left side pe se SEO pe click karke Search Console pe jana hoga. Waha se aap step follow karke wordpress ke sath connect kar sakte hai.

4. Submit Sitemaps

Submit Sitemaps okay blogging 10 SEO Optimization tips in hindi increase blog traffic

Dosto Sitemaps ko submit karna bahut hi jaruri hai, Sitemaps submit karne par hi aapki website ke content vagera google tak pahuchta hai.

Jinko nahi pata sitemap kya hai, to sitemap ek file hoti hai jaha par aapke blog ki sari posts aur pages ki list bani hoti hai. Ye list se google ko pata chalta hai ki aapki konsi post kaha hai aur kaise manage ki gai hai.

Aapki website ka sitemap agar aapko dekhna hai to aap YOURSITE.com/sitemap.xml par jake dekh sakte hai.

how to submit Sitemaps to search console okayblogging

Aap chahe to apna sitemap Yoast plugin se bhi generate kar sakte hai, waise mene jetpack se banaya hai.

5. Removing Duplicate Content

remove duplicate content okay blogging 10 SEO Optimization tips in hindi increase blog traffic

Ab jab apne 4 Steps sahi se setup kar liye hai, To ab bari hai apne blog par nazar dalne ki ki kya aapka blog sahi tarike se optimize hai yan nahi…

Aur yahan pe hum baat karenge duplicate content ki.

To duplicate content jo hai wo robots (google bots jo ki post ko index karta hai) ko confuse kar deta hai ki “Saans kaha se le aur Pade kaha se”. Example ke taur par, Agar aapke pas ek se jyada pages hai jispe same to same description likha hua hai. To google ki nazar me ye duplicate hai. Itna hi nahi agar aapke pas multiple images hai same naam ki to bhi ye duplicate content hai.

Aur ye dekhne ke liye ki aapki site par duplicate content hai yan nahi, Go To:

  • Google Webmaster Tools Search Console → Search Appearance → HTML Improvements

Yaha par aap dekh paoge duplicate meta description aur title tags. Aur aap use fix kar sakte hai apni site se. Waise aur bhi kai plugins hai jise use kiya jata hai. Par main kehna ka matlab ye hai ki, Duplicate Content ka use na kare.

6. Redirect 404 Errors

Redirect 404 Error okay blogging 10 SEO Optimization tips in hindi increase blog traffic

Jab robot(Not Chitti) aapki site ko crawl karta hai, Aur use wo link milti hai jo ki delete ho chuki hai to robot ko 404 error nazar aata hai.

Aur ajeeb baat ye hai ki robot us link tak pahuch jata hai jise reader shayad hi dekh paye. Par ye SEO ke liye chinta ka vishay hai. Error 404 SEO ko negative effect karta hai. Isliye hume 404 error ko redirect karna hoga.

Ab sawal ye paida hota hai ki error ko find kaha se kare…

  • Search Console → Crawl → Crawl Errors

Ek baar jab aap error ko dhund lete ho, Bas usko aap redirect kar dijiye redirect plugin se. Me use karta hu Quick Redirects free plugin. Jo ek link ko dusri link par redirect kar deta hai.

7. Increase Your Site Speed

Increase Site Speed okay blogging 10 SEO Optimization tips in hindi increase blog traffic

Aapki site speed kafi maine rakhti hai SEO ki nazar se, Aur google slow sites par bilkul raham nahi karta.

Yaha se aap check kar sakte hai aapki site ki speed Google PageSpeed Insights, Apko bas apni site ka url dalna hai. Aur google aapko batayega ki site speed kya hai aur aur use kaise fix kar sakte hai.

Han ise fix karna thoda technical kaam hai, Aapko aata hai to hi aap try kare nahi to site ki halat aur bhi kharab ho sakti hai. Aur aap chahe to Fiverr.com me jakar kisi tech expert ki help le sakte hai. Jo aapke blog ki speed ko increase karde. Aur kafi cheap price me aap ek techie bande ko hire kar sakte ho.

8. Sahi Images Ka Use Kare

non copyright image okay blogging 10 SEO Optimization tips in hindi increase blog traffic

Sahi images ka use karna SEO boost karne me kafi madad karta hai, aur yahi par kafi sare blogger galti se mistake kar jate hai.

Images onpage SEO ko boost karta hai, Aur uska reason ye hai ki images pe aapko ek aur jagah(post ke alava) mil jati hai jaha par aap apne keyword ko use kar sakte ho. Uske liye aapko image ke file name me, alt tag me, aur title me apne post ke related keyword ka use karna hai.

Aur agar aap waha pe koi bhi keyword ka use nahi karte to google ko pata nahi chalega ki ye image kisse related hai. Iske alava agar aap infographics images use karte hai apne blog par fir to kamaal ho jayega, Log kafi pasand karte hai infographics images ko.

Waise me Pexel, Pixabay aur Unsplash se images use karta hu.

9. Write Minimum of 1,800 words of Post

write maximum word article okay blogging 10 SEO Optimization tips in hindi increase blog traffic

Filhal ki baat kare to agar aapko apna post google pe rank karvana hai to aapka post minimum 1,800 words yan usse bhi jyada ka hona chahiye. Jitna in depth article hoga utne hi aapke better chances hai google pe rank hone ke.

Agar aap pura post padh rahe hai to aapko pata chal hi gaya hoga ki mera post bhi kafi lamba hone ja raha hai. Waise abhi word count pe nazar dalein to “1341” ho chuke hai.

Aur ye me sirf google ranking ki baat kar raha hu, Agar aapke short post pe social media se views aa rahe hai to acchi baat hai. Aapke liye shorter post hi sahi rahenge, Apko changes ki koi jarurat nahi hai.

10. Do Keyword Research

Do keyword research okay blogging 10 SEO Optimization tips in hindi increase blog traffic

Ab hum aa chuke hai SEO ke most important adhyay par yani Keyword Research, Ye sabse main part hai to aap dhyan se padhe. Aur ise maine 4 bhag me bant diya hai.

.#1: Kyu jaruri hai keywords

Aapko apne blog post par ek sahi word set up karna hota hai, Jisse log google search karke aapke article tak pahuch sake.

Aur “keyword” post ke paragraph ka hissa hi hota hai. Jise aapko identify karna hota hai ki ye main part hai apke post ka. Aur use Yoast ki madad se aap use keyword ko kuch jagah par add kar sakte hai. Jaise headings, titles, meta descriptions, alt tags in images, etc.

Kyon ki internet par ab itna competition badh gaya hai ki aapko post likhne se pehle keyword pe focus karna padta hai.

.#2: Keyword research kaise kare

Waise keyword find karna itna mushkil nahi hai. Aap sidhe google search bar par koi bhi word type karenge aur space denge to google aapko usse related keyword bata dega. Jo jyadatar log search karte honge. Lekin usse aapko ye nahi pata chalega ki konse keyword monthly kitne search aate hai. To us se aapko pata nahi chalega ki ye keyword aapke liye sahi hai ya nahi.

keyword research kaise kare okay blogging 10 SEO Optimization tips in hindi increase blog traffic

To ab baat aati hai online tool ki madad se keywords ko kaise search kare, To market me ese kai tools mil jayenge. Including Google Adwords Keyword Planner, Ahref, SEMRush, and Long Tail Platinum.

In tools ki madad se aap apne post ke liye best keyword dhund sakte hai. Aur apne post par apply kar sakte hai. me apko suggest karna chahunga Google Adwords Keyword Planner ko. Baki ki jo services hai wo kafi premium hai agar aapke pas budget hai to jarur use kar sakte hai.

Aap chahe to long tail keyword ka bhi use kar sakte hai LSIGraph.com ke jariye. Inse aapko ek hi keyword ke alag alag variations milenge jisko aap post par add kar sakte hai.

.#3: Sahi keyword kaise choose kare

choose the right keyword okay blogging 10 SEO Optimization tips in hindi increase blog traffic

Pehle do steps se ye to clear ho gaya ki keyword kaise milega, Par ab jab mere samne keywords hai usme se sahi konsa hai ye kaise pata chalega? Yahi question aapke dimag me aa raha hoga.

Keyword choose karte samay ye 4 factors ko nazar me rakhe:

  • Average monthly searches – Sabse pehle aapne jo keyword select kiya hai uske monthly searches kitne hai, Jitne jyada searches utna hi better hai apka keyword.
  • Suggested bid – Suggested bid se pata chalega ki is ek keywords ko lekar log kitna pay karte hai ads ke liye.
  • Competition – Yaha se pata chalega is keyword pe kitna competition hai google ke first page tak pahuchne ke liye.
  • Long Tail Keywords – Jaise ki maine pehle bhi bataya ki jitna lamba keyword hoga. Utne hi jyada chances hai aapke google ke first page par rank karne ke.

Congratulation Biradar Apko apna keyword mubarak ho…
Lekin baat yahi khatam nahi ho jati, Picture Post abhi baaki hai mere dost. . .

.#4: Where to put the keyword in your post

Ek baar aapke hath me keyword aa jata hai, To ek hi sawal aata hai ki kaha pe add karna hai ta ki hamare post ka SEO boost kare, Aur hamara post rank kar jaye.

Better SEO ke liye in jagao par aap keyword add kare:

  • Post ke title me (Left side me main keyword)
  • Slug me (url, permalink)
  • Meta description me (post ke description)
  • H2 tags me
  • Post ke paragraphes me

Yaha pe aap dekh sakte hai ki google ke search me kis tarah se dikhega.

how to put keyword in permalink - okayblogging

A Final Note:

To dosto is post me mene 10 SEO Optimization Tips ke bare me mujhe jitna pata tha aur jo jo chije work karti hai mene aap se share ki hai. Jitna is post me mene bataya hai utna mujhe apne time par nahi pata tha, To agar aap ek new blogger hai jisne blogging bas shuru hi kari hai, To aap jarur use follow kare aapko bahut kaam aayegi aur aapko hamari tarah struggle nahi karna padega.

Aur agar Blogging and SEO se related koi bhi question ho to aap befikre hokar comment kar dijiye, Me koshish karunga aapke sawal ka jawab jald se jald dene ki.

My Other Articles:

Resources To Help You With SEO:

Leave a Reply

shares