To aap apne wordpress blog se paise kamana chahte ho? WordPress sabse jyada upyog kiya jane wala platform hai bloggers ke liye. Aap wordpress aur blogging ko online paise kamane ke liye istemal kar sakte hai. Aur is post me ham WordPress se Online Paise Kamane Ke 6 Real Tarike ke bare me baat karenge jinse aap ghar baithe online paise kama sakenge blogging aur wordpress ke jariye.

Aur aage badhne se pehle ek baat clear karna chahunga ki ye koi ek din me lakhpati banane wali koi scheme nahi hai, Agar aap rato raat ameer banne ka khwab dekhne ke liye isse padh rahe hai to ye aap ke liye nahi hai.

Yaha pe woh genuine tarike bataye jayenge jo actually me work karte hai aur jinhe har koi bada blogger use karta hai. Aur agar aap kahi dekhte hai ki koi aapko bata raha hai ki ek din me $1000 dollar kamaye is simple tarike se to wo froud hai. Us chakkar me na pade.

Ghar baithe online paise kamane ke is post me kuch aise tarike hai jinme aapko thoda sa invest karna pade chahe woh time ho yan kuch paise, Jaise ki aap kuch shuru karna chahte ho to itna to banta hi hai.

Shuru karne se pehle aap ke pas apna khudka blog hona jaruri hai, Agar aap blog shuru karna chahte hai to hamare step by step blog kaise banaye post ko padh sakte hai.

Aur ye process kafi aasan hai chahe aap 20 saal ke ho yan 70 saal ke, Fir bhi agar aap ko koi problem hai to aap comment karke bataye.

Ek baar aap apna blog setup kar lete hai, Fir aap ready hai in tariko ko follow karne ke liye.

Monetize Your Blog

Jab aap sochte hai blogging se paise kaise kamaye jaye, To pehle dimag me ek hi idea aata hai aur wo hai Advertising.

Bilkul sahi hai, Yah sabse best tarika hai online paise kamane ke liye, Par inke alawa bhi aise kai raste hai jinse aap apne blog ko monetize kar sakte hai. Ye rahe un me se kuch tarike.

1. Affiliate Marketing

Affiliate marketing se online paise kamaye | OkayBlogging

Affiliate marketing yani aap kisi product ya service ko apne friends ya family ko recommend karte ho aur woh aap ke kehne par kharid lete hai us cheez ko uske badle aapko commission mil jata hai.

Jaise aapne dekha hoga kafi sare article likhe jate hai top 10 mobiles, 5 best laptop in india, etc. To unme hota ye hai ki wo link add kar dete hai us page par, Aur jab bhi koi us link me se buy karta hai kuchh bhi to use commission mil jata hai. Ye commission 4% se 12% tak ho sakta hai.

Sirf laptop hi nahi par har ek cheez ke affiliate program bane huye hai apko bas sochna hai aap kis cheez ke bare me jyada jante hai aur aap unke bare me likh sakte hai.

Ye rahe kuch popular Affiliate Program:

Ek bar aapne tey kar liya kis product ko promote karna hai uske baad aap ko chahiye hoga ek plugin jo aapki sari affiliate links ko manage karega, ThirstyAffiliates WordPress ka best plugins hai jisse aap apni links ko manage kar sakenge.

Is plugin se aap jan sakenge konsi link kesha perform kar rahi hai aur aasani se unhe keyword ke sath manage kiya ja sakta hai.

Affiliate marketing ek best tarika hai online paise kamane ke liye, Aur apne blog ko monetize karne ke liye.

2. Google AdSense

Google AdSense ek asaan tarika hai online paise kamane ke liye(Mana ki mushkil hai approve hona), Aap Ko bas ek google ki di huyi script add karni hai apne blog par aur ads dikhni shuru ho jayegi. Aap Ko paise diye jayenge jab bhi user ads par click karta hai. Aur ise CPC ads kaha jata hai.

Adsense ke jariye online paise kamaye apne wordpress blog se. | OkayBlogging

CPC yani “Cost per Click”. Jab bhi koi visitor kisi bhi ad ko click karta hai to ads ke rate ke hisab se aap ko paise diye jate hai. Aur ads ke rates advertiser set karte hai.

Agar aap blogging shuru hi kar rahe ho to Google AdSense ek dum sahi tarika hai online paise kamane ke liye.

3. Sell Ads Directly

Directly selling ads yani aap apne blog par ek fix jagah par koi bhi advertiser ki ads ko show karenge. Ye kafi faydemand sabit hoti hai aur apne hisab se rate set kar sakte hai.

Ads ko sell kar online paise kamaye apne wordpress blog se. | OkayBlogging

Selling Banner ads me aap yan CPC ke hisab se yan CPM ke hisab se ads sell kar sakte hai, CPM yani “cost per thousand impressions” aap kahenge M kidhar hai? 1000 ko roman sankhya me ‘M’ kaha jata hai. Jaha aap ko tey karna hai ki per click ke hisab se jana hai yan per thousand view ke, Waise jyadatar bloggers fix rate me ads sell karte hai, Flat rate me unhe koi views yan clicks par najar nahi rakhni padti.

Aur ye ads hame kaha sell karni hai to aap ko bata de ki ek site hai BuySellAds, Jo ki ek marketplace hai jaha buyer aur seller dono hi mil jate hai. Aur achi baat ye hai ki inka ek free plugin bhi hai BuySellAds WordPress plugin jisse kafi asani se aap ads ko insert kar sakoge.

4. Sell Sponsored Blog Posts

Kuch bloggers nahi chahte hote ki unke viewers ko ads dikhe, Aur sochiye bina ads ke kaise monetize karenge apne blog ko.

Ads networks se kya hota hai ki aap ke pas control nahi rehta ki kis tarah ki ads apke blog me show hogi, Aur bahot se log ad blocker bhi use karte hai isi vajah se.

Aur bina ads ke monetize karne ke liye aap ke pas ek vikalp hai sponsorships.

Sponsorship yani ek company jo apne product ke bare me likhne ko kahegi aur uske badle aap paise diye jayenge aur product bhi. Ek tarah se aap ko unke product ko apne blog me promote karna hota hai, Aur ye bahut hi aasan hai.

Aisi kafi sari companies hai jo aise blogs ko dhoondti rehti hai aur unke product ke liye deals karti hai, Aap ko karna ye hai ki apne blog par advertisement ka ek option rakh dena hai. Aur google pe search karne par aisi websites bhi mil jayegi jo sponsorship deti hai.

5. Write Reviews

Ye Sponsorship ki tarah hi hai isme aap review likh kar paise charge kar sakte hai. Ye waise affiliate se thoda alag hai isme aap ko product bhi milega jo aap ka niche hai uske hisab se, Product ko janch kar aap ko positive reviews dene hote hai.

Product ke reviews likh kar paise kamaye wordpress blog se. | OkayBlogging

Free product ke sath sath aap ko paise bhi diye jate hai jise paid review kaha jata hai. Yaha par kuch sites hai jo aapke kaam aa sakti hai jaise PayPerPost and SponsoredReviews.

6. Earn Money Online by Flipping Websites

Agar aap wordpress websites banane me mahir hai to, Aap kafi logon se hatkar hai, Kuch log aise hote hai jinhe setup ki huyi websites chahiye hoti hai, Jinme acha traffic aata ho aur SEO friendly site ho.

Agar aap acha sa blog banake usme traffic la sakte hai to aap use bech kar acha profit kama sakte hai. Lekin uske liye aapko pata hona chahiye ki konsi sites jyada demand me hai aur kaise price set karna hai vagera. Aur site bechne ke liye aap Flippa ka use kar sakte hai.

Leave a Reply

Your email address will not be published. Required fields are marked *