Jab meine blogging shuru ki kuch saal pehle tab me kuch bhi nahi janta tha blogging ke bare me. Par ab me ek full-time blogger hu.

Kabhi socha nahi tha ye sambhav hoga, Aap manenge nahi par me blogging ko ek job ki tarah leta hun.

To Baki batein chhod kar jante hai ki blog kaise banate hai, Jis liye aap shri yahan par padhare hai right?

Shuru karne se pehle aap mera pichhla article jarur padh lijiye jisme blogging se pehle kya dhyan me rakhe un ke bare me likha hai. Blog shuru karne se pehle ye 6 batein jarur jaan le

To me ye maan ke aage badhta hun ki aap ne mera pichhla article padh liya hai.

Step 1. Register Domain and Hosting

Jab aap ne than liya hai ki blog banana hai to baat aati hai domain aur hosting ki, Domain yani aapka web address e.g. www.website.com. Aur hosting jaha website ka data save hoga. Aur mene kai logon ko free domain aur cheap hosting ke chakkar me faste huye dekha hai. Agar aap blogging shuru karna chahte hi hai to aapko ye investment to karna hi padta hai.

Jaha hosting ki baat aati hai Bluehost sabse aage hai, WordPress khud Bluehost ko recommend karta hai. Is hosting ka sabse bada fayda ye hai ki aapko domain name aur SSL certificate alag se nahi kharidna padega, Kyu ki Bluehost ye aapko free me dega.(Aur ye wala free woh wala free nahi hai jo mene pehle bataya.)

Ab Bluehost.com pe jana hai aur “Get Started Now” pe click karna hai.

Blog kaise banaye Hindi me with OkayBlogging

Click karte hi aap ko hosting plan select karne ko kaha jayega, Waha pe apko 3 option milenge basic, plus aur prime. Aap blogging shuru hi kar rahe hai isliye me chahunga aap basic plan ko select kare. Aur yaad rahe aap kabhi bhi upgrade kar sakte hai.

Blog kaise banaye Hindi me with OkayBlogging

Ab jab ki aap ne hosting plan select kar liya hai to ab bari aati hai domain name choose karne ki, Aap is Domain Name Checker se bhi check kar sakte hai aapka domain name available hai ya nahi.

Domain select karte hi aapko apni account details deni hai, Jaise Name, Country, Street address aur phone numbers vagera.

Ab aapke samne puri summary aa jayegi. Aap yaha se changes karke dekh sakte hai ki budget kaha tak pahuche ga. Jo chize jaruri nahi lagti unhe uncheck kar dijiye. Aur best cheez apne notice kar hi li hogi, Yahi ki domain aur SSL ekdum free hai.

Aap chahe to use 36 month se 12 month bhi karke kharid sakte hai. Par aap sahi hisab lagayenge to pata chalega ki asli maja toh 36 me hi hai.

Ab jo hai aap ko sirf payment karni bas, Fir blog aapka hua.

Congratulation!! Aap ka hosting account ready ho gaya hai, Aur bluehost aapko confirmation mail bhejega. Wahi se apko apna password create karna hoga, Aur apka account successfully create ho jayega.

Aur yahi pe hamara pehla adhyayan(step) samapt kiya jata hai. Lekin Picture abhi baaki hai mere dost. . .

Step 2. WordPress Install Karna

Bluehost aapka kaam bahut hi asan ka deta hai wordpress install karne ke mamle me. WordPress Install karte hi aapko theme select karni hoti hai. Filhal aap koi bhi theme select kar ke aage badhe.

Theme ke baad aap se pucha jayega aap business ke liye use karna chahte hai yan personal. Aap personal select kar sakte hai.

Ab aap ke samne hai dashboard jaha se apna blog manage kar sakte hai. Launch button par click kare.

Ab Site ka Name aur Description me slogan likhna hai.

Aur ab aapka blog sahi maine me ready ho gaya hai.

Step 3. WordPress Basic Setup

Sirf wordpress install karne se aapka kaam khatam nahi hota, Asli kaam to yahi se shuru hota hai. WordPress install hote hi aap dekhnge kuch sample pages ya post apne aap create ho gaye hai, Pehle unhe delete kar dijiye.

  • Create Pages

3 most common pages hai jinko aapki site pe hona bahut hi jaruri hai, About, Privacy Policy aur Contact.

Ye pages create karne ke liye Pages Menu me Add New button pe click kare.

Add page to wordpress hindi me. OkayBlogging

Aur Contact page banane ke liye aapko shortcode ki jarurat padegi jo Contact Form 7 plugin se mil jayega.

Create contact page in wordpress hindi me, OkayBlogging

  •  Setup Site Menu

Site menu setup karna bahut hi asan hai, Appearance me jake menu select karna hai aur waha pe jo pages najar aate hai unhe select kar lena hai.

Left side me aapko pages dikhenge unko select karke menu me add karna hai.

Aap drag and drop ki madad se bhi menu create kar sakte hai. Menu me pages add karne ke baad aapko menu ka location set karna hai that’s it.

  • Permalink

WordPress me permalinks ko set karna bahut hi jyada important hai, Ye SEO ke liye best settings kaha jata hai.

Aap Settings me jake Permalink set kar sakte hai.

Yaad rahe permalink me %postname% hi rakhe. Inse hoga ye ki aap koi post likhenge unka title jo hai wahi aapki link banega. Ex. www.okayblogging.com/blog-kaise-shuru-kare. yaha blog kaise shuru kare ye mera title hai. Isse Search engine me kafi fark padta hai.

Step 4. Ab Bas Karo

Yes ab bas karo, Kyon ki ek hi post me sab kuchh bata dunga to shayad dusri baar aap log mera blog read karne aaoge nahi. Post thoda lamba ho gaya hai isliye ab itna hi.

Lekin aise bahut se settings hai jinhe me aap sabhi ko batana chahta hu, Au aage aise hi post likhta rahunga. Isliye aap se request hai ki mere blog ko subscribe kar lijiye ta ki har ek post aap tak pahunch sake.

Dhanyavad

Leave a Reply

Your email address will not be published. Required fields are marked *